-Овој систем за наводнување ќе им служи на жителите и земјоделци од селата Отошница, Ветуница и општина Ранковце кои ќе можат да го користат веќе за триесетина дена од сега, кога е предвидено финализирање на проектот, изјави Костадиновски.
Системот, појасни, ќе биде со капацитет за наводнување на површина од околу 250 хектари во атарот на предвидените села. Воедно е одлична основа за продолжување на секундарната мрежа со која ќе можат да се наводнуваат дополнително 350 хектари, со што ќе бидат заокружени околу 600 хектари површина, земјоделски површини, градини и бавчи на сопствениците на куќи и викендици во овој крај, истакна Костадиновски.
Браната, како што рече, е изградена со средства од водостопанското претпријатие „Куамновско-липковско поле“, а системот за наводнување што се гради е реалзиација на барање на жителите.
Костадиновски информира дека со програмата на АД Водостопанство се предвидени и други проекти за годинава. – Станува збор за два постојни системи кои се направени, но се веќе руинирани и има голема загуба на вода која се користи за наводнување и не се користи максималниот расположлив капацитет. Тоа се системи за наводнување на река Пчиња и тоа во селата Довезенце, Јачинце и Клечовце со вкупна површина од 250 хектари и посебен водозафат во село Пчиња, рече Костадиновски.
Се реализира, оцени, големата десетгодишна програма за вложување во водостопанската инфраструктура која изнесува околу 200 милиони евра.
-Голем дел до тие средства веќе се користат, како што може да видиме, се одвиваат гардежните активности, како и овде, и се надеваме дека сите жители од Ранковце по изградбата на системот ќе можат да склучат договори со Водостопанство, подружница, Кумановско-Липковско поле, и да можат да ги стават во функција можностите за наводнување за успешно подигнување и одгледување на повеќегодишни овошни насади за кои овдешната клима и поднебје се исклучително погодни, потенцира заменик-министерот Костадиновски.