Свет

Пожар на ферибот во Јадранското море

Пожар на ферибот во Јадранското море

Пожар избувна два часа по полноќ на ферибот, што пловел од Бари за албанскиот пристанишен град Драч, соопшти грчкиот сајт „њуз.ин“, пренесува МИА.

Според првичните податоци пожар избуванал на фериботот „Франческа“, додека тој се наоѓал на седум морски милји од италијанското пристаниште Бари.

Италијанскиот весник „Кориера дела Сера“ објави дека на фериботот имало 300 лица, меѓу кои и екипажот. Пожарот најверојатно избувнал во просторот за моторот.

Италијански пожарникари успеале да се качат на фериботот и да го изгаснат пожарот. Екипажот успешно се справил со ситуацијата и не дозволил создавање паника. Сите патници биле качени на палуба и имало подготвеност за спуштање на чамците за спасување.