четврток, 23 март 2017  |  Вести денес: 55

150 витези темплари од целиот свет доаѓаат во Македонија

Големиот приорат на Македонија на витезите темплари на Ерусалим (O.S.M.T.H.) од 2-ри до 4-ти септември годинава во Охрид, ќе биде домаќин на над 150 витези Темплари од целиот свет кои ќе присуствуваат на Големиот годишен интернационален собор на витези Темплари , што за првпат во историјата на темпларството се одржува во Македонија и воопшто на балканските простори, пишува МКД.

templari

Последни вести

Големиот приорат на Македонија на витезите темплари на Ерусалим (O.S.M.T.H.) од 2-ри до 4-ти септември годинава во Охрид, ќе биде домаќин на над 150 витези Темплари од целиот свет кои ќе присуствуваат на Големиот годишен интернационален собор на витези Темплари , што за првпат во историјата на темпларството се одржува во Македонија и воопшто на балканските простори, пишува МКД.

Главната церемонија, која ќе биде отворена за медиумите под одредени услови и правила на темпларскиот ред, ќе се одржи на 3 септември во 16 часот во дијамантската сала на хотелот Инекс Горица во Охрид.

Според најавите, се очекуваат гости од Франција, Германија, Велс, Русија, Романија Бугарија, Шведска, Србија, Холандија, Белгија, Швајцарија и други земји од Европа, САД и Јужна Америка. Меѓу учесниците на конвенцијата има благородници, политичари и бизнисмени, но имињата се чуваат во тајност.

Таен ќе биде и состанокот на Големите приори (првите луѓе на темпларските редови), кои неколку часа ќе заседаваат зад затворени врати. На останатиот дел од собирот е предвидена церемонија за именување на десетина витези од Македонија и странство.

Гостите ќе имаат можност дел од престојот во Охрид да го поминат во прошетка низ Стариот град и посета на црквите, да се запознаат со традиционалната македонска кујна и гостопримство.

Минатата година домаќин на Годишниот собор беше Големиот приорат на Шведска, кој за седиште на церемонијата го избра градот Стокхолм, а догодина соборот ќе се одржи во Женева, Швајцарија, соопшти Голем приорат на темпларите на Македонија.

Најчитани вести