Македонија

18 месечно бебе заболено од западнонилска треска

18 месечно бебе заболено од западнонилска треска

На Клиниката за детски болести се потврдени двата случаи нови дијагностицирани од западнонилска треска. Станува збор за дете на 18 месеци и четиригодишно детенце.

Ова денеска го истакна директорката на Клиниката за детски болести Аспазија Софијанова, која додаде дека 4-годишното дете е пушено на домашно лекување.

Помалото детенце се уште е хоспитализирано на Клиниката за детски болести, бидејќи болеста започнала со неспецифични симптоми кои, како што рече д-р Софијанова, оделе во прилог на болести што лекарите морале да ги исклучат.

– За среќа испадна западнонилска треска, меѓутоа, сепак, мораме да го мониторираме понатаму. Детенцето закрепнува од компликациите кои беа кај него манифестирани и верувам дека наскоро ќе биде добро и ова дете, изјави директорката на Детската клиника.

Двете деца пред две до три недели престојувале во Грција, што според д-р Софијанова покажува дека западнонилската треска се уште ја има.

Најризични категории се постарите лица, деца и луѓе со намален имунитет. Болеста не се пренесува од човек на човек, туку преку убод од заразен комарец.