Лавров: Соборувањето на авионот наликува на планирана провокација

Турскиот министер за надворешни работи Мевљут Чавушоглу изрази жалење во телефонскиот разговор со рускиот колега Сергеј Лавров поради инцидентот со соборениот авион Су-24, но ја оправдал акцијата на турската воена авијација, јави ТАСС.

– Турскиот министер за надворешни работи изрази сочувство до Русија. Тој наведе дека турските диспечери не знаеле на кого припаѓа авионот, бидејќи во тој регион исто така летаат и сириски авиони, истакна Лавров по телефонскиот разговор.

Шефот на руската дипломатија наведе дека Москва има сериозни сомневања дека соборувањето на авионот бил „ненамерен акт“ иако многу наликува на „планирана провокација“.

Русија се надева дека нападот врз авионот Су-24 нема да биде искористено за реализација на идејата за формирање на забрана за полети во тој регион.

Доколку преземете содржина од оваа страница, во целост сте се согласиле со нејзините Услови за користење.