четврток, 22 декември 2016  |  Вести денес: 42

Хуманитарна аукција по повод Светскиот ден на СИДА

dddddddddddd.jpg-500

Поврзани вести

Под мотото „Сите сме дел од промената“, Здружението за поддршка на луѓето што живеат со ХИВ – „Заедно посилни Скопје“ организира добротворен настан и одбележување на Светскиот ден на СИДА.

Настанот е замислен како аукција на уметнички дела од повеќемина уметници, меѓу кои Симон Калајџиев, Иван Петрушевски – Флим, Нина Симовска, Мима Пејовска, Велимир Жерновски, Дороти Пачкова, Марјан Арсовски, Јадранка Митева Милчовска и Петар Петков. Делата на овие уметници ќе бидат предмет на јавно наддавање.

Целта на настанот е заеднички да се придонесе за поголема свесност за ХИВ во македонската јавност и да се поттикне поддршката на јавноста кон луѓето што живеат со овој вирус.

Средствата што ќе се соберат од оваа аукција, како и минатите години, се наменети за поддршка на луѓето што живеат со ХИВ во Македонија.

На настанот ќе биде промовиран и видео-спот на тема „Стигма кон лицата што живеат со ХИВ“, снимен врз основа на вистинските реакции на македонската јавност во рамките на социјален експеримент што го направи Здружението за поддршка на луѓето со ХИВ.

Најчитани вести