четврток, 27 јули 2017  |  Вести денес: 52

Натпатникот што ги поврзува Хиподром и Инџиково денеска ќе се пушти во употреба

Целта на овој проект на Градот Скопје е да се овозможи непречено и безбедно движење на граѓаните од двете населби преку автопатот.

Натпатникот што ги поврзува Хиподром и Инџиково денеска ќе се пушти во употреба

Натпатникот што ги поврзува Хиподром и Инџиково денеска ќе се пушти во употреба

Поврзани вести

Новиот натпатник преку автопатот Скопје – Петровец, што ќе ги поврзе населбите Хиподром и Инџиково, денеска официјално ќе биде пуштен во употреба.

Целта на овој проект на Градот Скопје е да се овозможи непречено и безбедно движење на граѓаните од двете населби преку автопатот.

Изградбата на натпатникот е од исклучително значење за жителите на Хиподром и на Инџиково, бидејќи оваа локација со години претставува црна сообраќајна точка на автопатот кон Петровец, со многу сообраќајни несреќи.

Челичниот натпатник е со бетонски столбови, челични скали и челични рампи, а ќе овозможи безбеден премин на пешаци, пешаци со велосипеди и лица со посебни потреби.

Натпатникот е долг 63 метри, а широк 5,4 метри. Површината за движење е широка 3,1 метар, а по должината на натпатникот е поставена ограда висока 2 метра, изработена од челични профили и челична мрежа, како и конзоли за инсталации.

Новиот натпатник што ги поврзува населбите Хиподром и Инџиково ќе го осветлуваат 12 канделабри, а ќе бидат осветлени и рампите.

За изградба на овој натпатник Градот Скопје вложи околу 38 милиони денари.

Најчитани вести