Денеска по повод државниот празник 8 Декември – Свети Климент Охридски, македонски светец и еден од учениците на светите Кирил и Методиј, Градоначалникот на Град Скопје, Коце Трајановски положи цвеќиња пред Споменикот на Свети Климент Охридски, во близина на Соборниот храм.
Цвеќиња положија и делегација од Владата на Република Македонија, делегација од Собранието на Република Македонија, делегации на политички партии и здруженија на граѓани.
