понеделник, 27 март 2017  |  Вести денес: 60

Македонската футсал репрезентација убедливо поразена од Италија

Македонската футсал репрезентација загуби со убедливи 6:1 од Италија на првиот натпревар од квалификацискиот турни за Светското првенство во Колумбија идната година.

makedonija

Поврзани вести

Нашите футсалци денеска против домаќинот во Бари успеаја да бидат достоен ривал само во првото полувреме, бидејќи на паузата заминавме со негатива од само 1:0 со голот на Романо во деветата минута.

Во првите три минути од вториот дел примивме уште два гола преку Јапа и Алекс Мерлим, додека Адријан Мицевски намали за Македонија во 24-тата минута. До крајот на натпреварот “аѕурите” уште три пати стрелаа во нашата мрежа преку Канал, Габриел Лима и Патиас за конечни 6:1.

Во рамки на нашата група Словачка славеше против Молдавија со 3:1.

Македонија утре од 18 часот игра против Словачка, натпревар кој е реално најважен за нас во трката за второто место во групата 7.

Најчитани вести