СДСМ е против инвестиции во инфраструктурата. СДСМ е против се што значи прогрес. На Бихаќка сами си пишуваат соопштенија, сами си веруваат во нив. Ако излезе од светот на соопштенијата, СДСМ ќе мора да се соочи со фактите, посочуваат од ВМРО-ДПМНЕ.
А ова се фактите:
-владата на ВМРО-ДПМНЕ досега инвестираше 44 милиони евра за изградба и реконструкција на многу километри автопат
-во тек е изградба и реконструкција на 4 автопати, инвестиција од речиси 1 милијарда евра
-изградени се 40 регионални патишта со должина од 516 километри, инвестиција вредна 94 милиони евра, а во тек е изградба на 13 патишта со должина од 167,5 километри, инвестиција од околу 48,9 милиони евра
-само во последните неколку години се изградени 392 локални патишта со должина од 735 километри, инвестиција од 62 милиони евра
-за следната година планирана е изградба и реконстркција на уште 13 регионални правци со вкупна должина од 259 километри, инвестиција од 386 милиони евра од кои пет се нови ескпресни патишта
На СДСМ му пречи кога Македонија се гради. Затоа СДСМ не поздравил ниту една инвестиција, како денешната која ја најави министерот Мисајловски.
За разлика од ВМРО-ДПМНЕ и инвестициите во инфраструктурата, СДСМ со ваквото делување инвестира само во изградбата на удолницата по која незапирливо се движи.
Граѓаните ваквата деструктивна политика на СДСМ ќе ја казнат за само 135 дена, десетти пат по ред. На 24 април доаѓа крајот на ваквото однесување на СДСМ, се вели во соопштението на ВМРО-ДПМНЕ.