Жалбата на Мишел Платини е одбиена

Французинот се надеваше дека со укинувањето на суспензијата ќе добие зелено светло за кандидатура за претседател на ФИФА, но тоа не се случи откако арбитражата пресуди дека не добила доволно аргументи за да ја смени првобитната пресуда.

Само за потсетување, Платини е суспендиран поради земените пари во висина од неполни два милиони евра од страна на првиот човек на ФИФА, Сеп Блатер.

И Платини и Блатер тврдат дека не станува збор за корупција, туку за исплата на пари за претходно извршени задачи од страна на Французинот за светската куќа на фудбалот. Сепак, симптоматично е што исплатата е извршена неколку месеци пред реизборот на Блатер за претседател на ФИФА, што само по себе предизвикува дополнителни сомнежи.

Ваквиот развој на настаните значи дека Платини нема да може да присуствува на утрешната ждрепка на групите за ЕВРО 2016, а во текот на следната седмица ќе се одржи нова седница на Комитетот за етика на ФИФА, на која се очекуваат и конкретни казни за Блатер и за Платини.

Доколку биде докажана корупција, тогаш двајцата најверојатно ќе заработат доживотни забрани од било каква работа поврзана со фудбалот.

Доколку преземете содржина од оваа страница, во целост сте се согласиле со нејзините Услови за користење.