Балкан

Натпис за ИСИС осамна на автобуска станица во Валона

Натпис за ИСИС осамна на автобуска станица во Валона

Натпис на хартија на која се нацртани лик на џихадист, автоматска пушка и бомба и на кој пишува: „ИСИС Алаху Егбер“ осамна на автобуска станица во приморскиотград Валона.

Како што јави дописникот на МИА, албанската полиција потврди дека натписот бил поставен на еден киоск за продажба на весници и предизвикал паника кај граѓаните, кои веднаш ги известиле полицијците.

Полицијата почнала истрага за откривање на сторителите.

Ова не е прв ваков случај во Албанија. Неодамна во Корча осамнаа рафити со големи букви на кои беше напишано: ИСИС, Алаху Агбар, Ал Каеда и АК-47.