Еклантантен пример е делувањето на техничкиот министер за труд и социјална политика, Фросина Ташевска Ременски која намерно ги опструира проектите, не потпишувајќи акти на кои е обврзана со Закон и со тоа несовесно и нестручно ги извршува своите задачи.
Оваа Влада постигна извонредни резултати изминатите години со отворање на детски градинки урбаните, со посебен акцент во руралните области.
Граѓаните од скопската општина Бутел и општина Јегуновце се оневозможени да ги сместат своите деца во детски градинки, поради деструктивноста на техничкиот министер за труд и социјална политика.
Имено, Ременски не ја потпишува одлуката за избор на најповолен економски оператор со што детските градинки ќе останат без опрема, а со тоа е оневозможено нивното функционирање.
Овој атак врз интересите на жителите на овие општини останува без правно објаснување, а се во насока политички опструкции.
Детската градинка во Јегуновце е нова детска градинка на барање на граѓаните, а детската градинка во Општина Бутел е проширување на веќе постоечката градинка исто така по барање на граѓаните каде што се засегнати голем број на семејства.
Дополнителниот заменик министер за труд и социјална политика, Диме Спасов, штитејќи ги интересите на граѓаните, побарал веднаш техничкиот министер да ги потпише документите кои произлегуваат од постапките за доделување на договор за јавна набавка.
И во вчерашната реакција до техничкиот министер Ременски од страна на кабинетот на заменик министерот за труд и социјална политика се наведува дека Ременски својата неспособност и неснаоѓање ја затскрива позади кочничарење на проектите.