ТОП,Македонија

1,5 милион патници годинава се превезени на македонските аеродроми

1,5 милион патници годинава се превезени на македонските аеродроми
Рекорден број патници на македонските аеродроми. Заклучно со 15 декември се превезени 1 милион и 480.000 патници што е зголемување за 20% во споредба со истиот период лани. До крајот на годинава ќе се надмине бројката од 1,5 милион патници.

Како што за ТВ „Алфа“ вели министерот за транспорт и врски, Владо Мисајловски, зголемувањето, сè должи на воведувањето нови евтини авионски летови на нискобуџетната „Визер“, како и на зголемувањето на фреквенциите на постоечките линии. Сега од Скопје се лета до повеќе од 30 градови.
 Македонија бележи најголем раст на авиосообраќајот во регионот. Близу 1,5 милиони патници, односно 1 милион и 480.000 имало на македонските аеродроми годинава што е пораст од над 20% во однос на лани. Ова беше успешна година со зголемен број на летови и нови дестинации, вели за Алфа министерот за транспорт и врски Владо Мисајловски, и додава дека ваквиот тренд, но со засилено темпо ќе продолжи и догодина.
Пораст има на бројот на патници има на двата аеродроми, и тоа неколку пати над европскиот просек.
Само оваа година се воведоа 7 нови линии, кон Осло, Фридрихшафен, Барселона, Нинберк, Хамбурк, Базел и Лондон. А од следната година се воведуваат уште четири нови авионски линии и тоа кон Прага, Братислава, Копенхаген и Берлин.