Економија

Цената на бензините на историско најниско ниво

Цената на бензините на историско најниско ниво

Регулаторната комисија за енергетика вчера донесе одлука да ја намали цената на горивата, односно бензинот од денеска е поевтин за еден денар, додека дизелот за три.
Со последната промена на цената на нафтените деривати, дизелот падна на историски ниско ниво. Само од почетокот на годината цената на дизелот е намалена за повеќе од осум денари.

Новата цена на Еуродизел (Д-Е V) од денеска изнесува 43,50 денари. Екстра лесното масло за домаќинство поевтинува за 3,5 денари и ќе чини 32 денара за литар.
Литар Еуросупер БС-95 од денеска се продава за 61,50, а Еуросупер БС-98 за 63,50 денари. Ова значи дека сега дизелот е поевтин и од историски најниската цена која регулаторите ја одредија пред повеќе од 6 години, поточно на 21 јули 2009 година кога дизелот во земјава тогаш чинеше само половина денар помалку, односно 46 денари.

Сепак најниско ниво на дизел горивата во историјата на земјава е на 13 јануари 2004 година кога литар од ова гориво чинел само 36 денари, но според регулаторите тој дизел бил со драстично понизок квалитет односно се работеше за еуро 3.

Сегашниот дизел е поквалитетен, еколошки почист и е од категоријата еуро 4.

Во Европа само во Украина и Белорусија цената на дизелот е приближно иста како кај нас. Во останатите европски држави како што е Италија и Велика Британија дизелот чини 1,5 евра или двојно поскапо.

Во Македонија можеш да наточиш за тие пари две литри нафта, а кај нив само литро.

Во Грција, Албанија и Бугарија дизелот чини околу 1,25 евра, а во Австрија, БиХ и Косово по евро. На почетокот на 2015 година малопродажната цена на Еуросуперот БС-98 изнесуваше 62,5 денари, Еуросупер БС-95 достигна 60,5 денари за литар, а дизелот се точеше за 51 денар за еден литар.