Наместо суплементи кои можат да ви создадат уште поголеми проблеми, нутриционистите ве советуваат што почесто д конзумирате сусам, кељ и суви смокви бидејќи изобилуваат со калциум…
Сусам
Верувале или не, сировите семки од сусам содржат дури седум пати повеќе калциум од кравјото млеко. Покрај тоа изобилуваат со бакар, манган, витамин Е и Б1, билни смоли и горки материи кои му даваат препознатлив мирис.
Освен што е идеален за превенција од остеопороза, сусамот го подобрува варењето, спречува запек, го снижува холестеролот, превенира настанување на тромбови и ги ублажува кожните заболувања.
За максимално искористување на хранливите состојки треба да се конзумира свежо сомелен, како додаток на разни јадења, особено салати.
Суви смокви
Сушените смокви се омилена „здрава грицка“, но голем број луѓе не знаат дека тие се вистинска мала ризница на калциум, како и дека најмногу би требало да ги конзумираат жените во менопауза. Само шака од овие вкусни плодови задоволува третина од потребната дневна доза за калциум.
Исто така, смоквите се и добар извор на калиум, кој го регулира крвниот притисок, а изобилува и во растворливи влакна кои го снижуваат холестеролот и имаат лаксативно дејство, па им се препорачуваат на личностите кои страдаат од хронична опстипација. Високата концентрација на глукоза и фруктоза во смоквите претставува здрава замена за белиот шеќер.
Кељ
Од хранливите материи кои ги содржи кељот, се издвојува калциумот, па бидејќи сезоната на овој зеленчук е во тек, би требало што почесто да се најде на менито. Најдобро е да се приготвува на пареа…
Кељот е природен заштитник на организмот од рак на белите дробови, простата, дебелото црево, јајниците и дојките. Покрај тоа е извонреден чистач на организмот.
Бадем
Бадемот е исклучително богат со минерали кои се важни за здравјето на коските, како што се калциумот, магнезиумот, манганот и фосфорот, па е од голема корист во превенцијата од остеопороза. Познато е дека бадемот делотворно делува и на кардиоваскуларниот систем, благодарејќи на високото ниво на мононезаштитени масни киселини и витамин Е. Го снижува холестеролот и спречува создавање наслаги на ѕидовите на артериите, помага во изградба на коските, го нормализира крвниот притисок и работата на срцето.
Соја
Истражувањата покажаа дека витаминот К2, кој најмногу го има во сојата, го „лепи“ калциумот за коските и со самото тоа ги јакне, па постојат разни суплементи кои ја создржат оваа добитна комбинација. Сојата содржи аминокиселини богати со сулфур кој формира сулфати во урината, не дозволувајќи калциумот да се реапсорбира во крвта и да се исфрли по пат на мокрење.