четврток, 24 ноември 2016  |  Вести денес: 87

Членовите на Специјалната олимпијада на Бадник кај Иванов

ivanov

Последни вести

Членовите на Специјалната олимпијада на Македонија денеска беа на бадникова трпеза со семејството на претседателот Ѓорге Иванов во нивниот дом во резиденцијата „Македонија“.

Дванаесет олимпијци беа пречекани од претседателот Иванов, неговата сопруга Маја и синот Иван, кои на гостите им посакаа и идни спортски успеси, какви што постигнаа на Летните игри на Специјалната олимпијада во Лос Анџелес во август минатата година. Тие по враќањето од САД имаа средба со претседателот Иванов во Охрид.

– Тогаш ви ветивме дека за Бадник и Божик ќе бидете гости во нашиот дом. Ви посакувам добредојде од целото мое семејство, од сопругот и од синот Иван. Во претходната година навистина не направивте многу горди, освојувајќи ги медалите на Олимпијадата. Веруваме дека така ќе биде и во иднина. Ви посакуваме од се срце многу здравје, многу среќа и многу успеси. Македонија беше горда на вас и така нека биде и понатаму, им рече Маја Иванова на олимпијците на кои, според обичајот, им подели и бадникови лепчиња.

ivanov1

Лепчето со паричка му се падна на кошаркарот Мирослав Георгиевски, кому претседателот Иванов му подари и златник, како што рече,  за спомен на денешниот настан, посакувајќи му успешни резултати во спортот и во иднина.

Ана Петровска, национален директор на Специјална олимпијада Македонија, за медиумите изјави дека денешната посета е на покана на претседателот Иванов кој тоа им го ветил летово по нивното враќање со голем успех од Летните олимписки игри во Лос Анџелес, кои се одржаа од 25 јули до 2 август 2015.

– Тоа беше најуспешна година на Специјална олимпијада Македонија. Се вративме со 12 медали од 14 атлети. Се надевам дека ова е само почеток за уште една успешна година која им претстои на нашите атлети, рече Петровска.

По повод утрешниот голем христијански празник Божик, денеска наутро  гости во резиденцијата на семејството Иванови беа и членови на иницијативното движење за возобновување на Божиќната литија и деца православни верници.

ivanov2

Носејќи ја Витлеемската пештера и пеејќи ја божикната песна „Вечен е Бог“, децата го најавија Христовото раѓање. Семејството Иванови ги даруваа децата со традиционални коледарски пакетчиња.

Најчитани вести