При физичка проверка, царинските службеници утврдиле дека врз оригиналното фабричко пакување на лековите бил втиснат нов бач број, датум на производство и нов рок на важност и воопшто немало сериски број, но и на самите лекови, оригиналната етикета била видливо отстранета и била заплепена нова етикета.
За пратката уредно биле приложени сите документи потребни за нивен увоз во Република Македонија, вклучително и одобрение издадено од Агенцијата за лекови, но поради сомневање во квалитетот, царинските службеници се обратиле до Агенцијата за лекови.
На 9-ти октомври, примероци од пратката биле предадена на Агенцијата за лекови, каде сеуште се во тек детални проверки и испитувања на тоа дали лековите се со соодветен квалитет и дали станува збор за фалсификати и се додека не се добијат конечните резултати, пратката нема да биде оцаринета и пуштена во слободен промет.