вторник, 30 мај 2017  |  Вести денес: 3

20 стипендии за студии на „СИТИ Колеџ“ во Солун за академската 2016/2017

stipendii

Последни вести

По седми пат годинава се обновува протокол за соработка кој предвидува доделување на 20 стипендии „Борис Трајковски“ за студии од втор циклус на Извршната програма за бизнис и администрација при „СИТИ Колеџот“- Меѓународен факултет во состав на Универзитетот Шефилд од Велика Британија, лоциран во Солун, Република Грција.

Документот денес го потпишаа заменик министерот за образование и наука Спиро Ристовски, претседателот на Република Македонија Ѓорѓе Иванов и директорот на „СИТИ Колеџот“ во Солун, Јанис Верверидис со што продолжува успешната соработка преку која до сега се обезбедени вкупно 120 стипендии за македонските граѓани.

За академската 2016/2017 година се доделуваат стипендии за насоките: општ менаџмент, маркетинг, финансии, менаџмент во логистика, менаџмент во здравство и менаџмент на човечки ресурси.

Стипендијата целосно ги покрива трошоците за уписнина, додека патните трошоци, сместувањето и другите животни трошоци се на товар на кандидатот.

Заинтересираните кандидати потребно е да поднесат пријава до Министерството за образование и наука најдоцна до 31 мај 2016 година. Повеќе информации за критериумите и процесот на пријавување се достапни во објавениот конкурс.

Најчитани вести