недела, 28 мај 2017  |  Вести денес: 30

Викендов снег и дожд

Снежната покривка на планините во северниот и јужниот регион би требало да се зголеми за околу 60 сантиметри со нов снег, но заради ветерот очекувани се и поголеми снежни наноси, особено околу Кожуф.

sneg

Поврзани вести

Викендот пред нас планирајте го за активности на снег. Но, повеќе низ пониските места, бидејќи времето на планините нема да биде сосема наклонето за оние кои одат таму да „уживаат“.

Се очекува врнежите во сабота наутро да бидат од дожд низ пониските места, а од снег на планините, пишува порталот за временска прогноза Метеопро.мк.

Но веќе од доцна попладне во северните делови од земјата врнежите ќе преминат во снежни, а попладне тоа ќе се случи низ целата земја. Снегот ќе биде локално поинтензивен попладне, затоа внимавајте доколку планирате патување.

Снежната покривка на планините во северниот и јужниот регион би требало да се зголеми за околу 60 сантиметри со нов снег, но заради ветерот очекувани се и поголеми снежни наноси, особено околу Кожуф.

На пониските места се очекува покривка околу 15 – 20  сантиметри.

В недела се уште ќе биде облачно, претпладне со слаб до умерен снег, додека попладне врнежите ќе бидат значително ослабени, а делумно и престанати.

Сабота ќе биде потопла наутро. Температурата ќе биде во постојан тренд на опаѓање. Максималната вредност во северните предели ќе биде околу 4°С, а во јужните околу 6°С

Недела постудена. Дневниот максимум нема да надмине 0°С во северните и западните делови, а само малку над 0°С, околу 1°С, се очекува на југоисток.

Најчитани вести