Утре е големиот христијански празник Богојавление – Водици

На полноќ се отвора небото. Според православниот обичај, во домовите се пуштаат чешмите, за да се освети водата и се означува големиот христијански празник Богојавление – Водици.
Денеска, ден пред празникот на празниците меѓу верниците позната како Водокрштение и Водокрст или Водопост, е строг пост.
Инаку празникот Водици се празнува два дена. Првиот, утре 19 јануари, Богојавление.

И вториот ден, 20 јануари, е празник на  собор на Свети Јован Крстител. Именден слават сите чие име е Јован.

Утре веднаш по утринските богослужби што ќе се одржат во сите цркви и манастири од македонската православна црква-Охридска архиепископија ќе бидат осветени светите води во сите градови и во населени места во Македонија.

Осветената вода се чува за здравје во домот до следното Христово крштевање.

Доколку преземете содржина од оваа страница, во целост сте се согласиле со нејзините Услови за користење.