понеделник, 24 јули 2017  |  Вести денес: 16

Во последното деноноќие седуммина починати од студ во Полска

stud

Последни вести

Уште седум лица починаа од студ во последните 24 часа во Полска.

Најголем број од жртвите се на југот на земјата.

Температурите од околу минус 20 степени во последните 10 денови не ги преживеаа 22 лица, и тоа не само бездомници, туку и постари лица кои ја прецениле својата сила и излегле надвор на подолга прошетка, објавува РТС.

Билансот на починати од студ во Полска од почетокот на јануари изнесува 75 лица, а од почетокот на ноември, кога полските власти почнаа да ја бележат трагичната зимска статистика, студот не го преживеале 90 лица, соопшти Центарот за безбедност при полската Влада.

Црниот рекорд оваа зима и натаму го држи 3 јануари, кога само за еден ден бeа пронајдени 12 безживотни смрзнати тела.

Полските власти, полицијата и противпожарната служба постојано апелираат до граѓаните да не минуваат рамнодушно покрај бездомниците и луѓето на кои им се заканува смрзнување, туку да повикаат полиција, која и самата трага по загрозени луѓе со помош на специјални патроли.

Центарот за безбедност соопшти дека само вчера полицијата успеала да спаси десетици луѓе на кои им се заканувало смрзнување, токму благодарејќи на повиците на случајните минувачи.

Најчитани вести