понеделник, 29 мај 2017  |  Вести денес: 46

Попоски-Рот: Германија ќе продолжи да ги поддржува евроинтегративните процеси на Македонија

poposki

Последни вести

Шефот на македонската дипломатија, Никола Попоски денеска се сретна со државниот министер за Европа во германското министерство за надворешни работи, Михаeл Рот.

На средбата се разговарало за предизвиците и перспективите во европската и евро-атлантската интеграција на Република Македонија, како и за  мигрантско – бегалската криза.

Министерот Попоски ја реафирмираше важноста и улогата на Германија како стратешки партнер за Република Македонија во процесот на интеграцијата во Европската унија и НАТО.

На европската перспектива на Македонија треба да и се даде кредибилитет со што поскоро започнување на преговорите. Како и во изминатите седум години, Македонија останува целосно подготвена за процесот на пристапни преговори.

rot-1

Внатрешните политички предизвици се надминуваат низ инклузивен процес кој треба да се заокружи час поскоро и без одлагање со претстојните парламентарни избори во април. Кредибилни избори и суштински напредок по клучните приоритети за зајакнување на правната држава и економскиот развој на земјата остануваат во фокусот на активностите на владата.

Министерот Рот ја акцентираше принципиелната германска поддршка за интегративните процеси на РМ во ЕУ и НАТО, потенцирајќи ја важноста на имплементирањето на политичкиот договор и почитувањето на препораките содржани во последниот извештај на Европската комисија за Република Македонија.

Најчитани вести