Се преврте автобус кај Крива Паланка, 26 патници повредени

Пет лица се тешко повредени, а 21 лице полесно во сообраќајната несреќа што ноќеска се случила при превртување на бугарски автобус на магистралниот пат Крива Паланка – Ранковце.

Според полицијата, од засега непознати причини бугарскиот автобус се превртел во близина на селото Опила, а сите повредени патници се надвор од животна опасност и се пренесени на лекување во болницата во Крива Паланка.

Се претпоставува дека шоферот на автобусот ја изгубил контролата, по што автобусот се превртел и удрил во дрво. Во автобусот имало 43 патници.

Доколку преземете содржина од оваа страница, во целост сте се согласиле со нејзините Услови за користење.