Американскиот магазин „ОК“ пишува дека Викторија и Дејвид Бекам се разведуваат по 16 години брак и дека тоа ќе биде развод од милијарда долари.
Како што пишува магазинот, Викторија наводно ја симнала и тетоважата посветена на нивната венчавка.
„Откако со години работеа на подобрување на нивните односи, не најдоа друг излез од оваа ситуација. Но, документите за развод сеуште не ги потпишале, бидејќи во моментот се презафатени со своите кариери. Тие сакаат сето тоа да се заврши што е можно подискретно“, тврди ОК.
Парот веќе поминуваше низ брачна криза во 2004 година, кога се тврдеше дека Дејвид ја изневерувал Викторија, но тој го негираше тоа.
„Многу бракови потклекнаа на тој притисок. Мислам дека тоа е причината поради која Викторја стана повлечена. Сега се во фаза кога се заситени еден од друг“, кажува истиот извор.
Тие немат предбрачен договор што би можело да предизвика проблем при разводот.
Прот има четири деца. Се запозна во 1997 година, а се венчаа во 1999 година.