Четириесетичетиригодишна жена од село Црешево, велешко, вчера пријавила дека околу 16 часот во Скопје, додека чекала автобус на Бит Пазар, и се доближил непознат маж и ја прашал каде ќе оди, по што таа одговорила дека не се чувствува добро и ќе оди во населба Драчево. Мажот се качил со неа во автобус.
Откако двајцата слегле во село Трубарево каде што живеел мажот, тој ја натерал да се избања, а потоа физички ја нападнал барајќи од неа да прави се што ќе и каже.
Тој и го зел мобилниот телефон и со сила ја однел до автобуската станица во Трубарево, по што таа го пријавила настанот.
По кратко време полицијата го привела 32-годишниот Ш.М.