Свет

Австрија дневно ќе прима по 3.200 бегалци

Австрија дневно ќе прима по 3.200 бегалци
Австрија дневно ќе прима само 3.200 бегалци

Австрија денеска во осум часот почна да го применува ограничувањето по прашање на бројот на мигранти кои дневно можат да влезат во земјата.

Министерката за натрешни работи, Јохана Микл-Лајтнер претходно најави дека дневно ќе бидат прифатени мксимално 80 барања за добивање азил, а ќе се прошуштаат 3.200 бегалци.

Европскиот комесар за миграција Димитрис Аврамопулос пратил писмо до австриската влада во кое укажал дека Виена со ова ги крши законите на Унијата.

„Австрија спаѓа во наоптоварените земји во ЕУ и ја достигна својата граница на издржливост“, нагласила Лајтнер. Таа додала дека Австрија не може да совлада ист бројна бегалци како минатата година и дека воведувањето на дневни ограничувања е чекор кон успорување на бранот на бегалци.

„Важно ни е секоја земја од балканската рута да делува рестриктивно на својата граница, а тој домино ефект е поефикасен ако делуваме усогласено“, вели Лајтнер.

Аврамопулос оценил дека „тоа што Австријците го одлучиле, не е во склад со европските закони“.

Во Австрија минатата година влегле околу 700.000 мигранти, најмногу од Сирија и Авганистан , а околу 90.000 поднеле барање за азил во таа земја. Најголем дел, сепак, го продолжиле патот кон Германија.