Галерија во Чикаго дојде до сосема необична идеја на љубителите на уметноста да го доближи творештвото на познатиот сликар Винсент Ван Гог.
Пред премиерно излагање на трите верзии на познатата слика на која Ван Гог ја насликал својата спална соба во Арле во јужна Франција, галеријата во Чикаго им понуди на заинтересираните ноќевање токму во таква соба.
Оваа слика Ван Гог ја насликал откако си го отсекол увото.
Една група уметници направи реплика на собата на Ван Гог, а Арт Институтот во Чикаго нуди можност за ноќевање во таа соба по пат на сервис за изнајмување на недвижности Аирбнб.
– Во оваа соба ќе се чувствувате како да живеете во сликата, пишува во огласот.