Вулин: Србија не затвори граница кон ниту една држава

Србија не затворила граница кон Македонија, Бугарија или која било друга држава, изјави денеска српскиот министер Александар Вулин кој најави дека новиот систем за регистрација на мигранти ќе почне да се применува од полноќ на грчко-македонската граница.

– На нашите граници ништо не се менува. Претставници на државите кои потпишаа договор ќе имаат заедничка контрола над мигрантите на грчко-македонската граница, прецизираше Вулин.

Според него, таму ќе се задржуваат луѓе кои од која било причина не можат да поминат до крајната дестинација, а во согласност со политиката на државите на мигрантската рута.

– За нас тоа е големо олеснување бидејќи ќе бид епомал притисокот врз нашата територија, односно оние кои не може да продолжат со движењето нема да може ни да влезат на територија на Србија, истакна Вулин.

Доколку преземете содржина од оваа страница, во целост сте се согласиле со нејзините Услови за користење.