вторник, 25 јули 2017  |  Вести денес: 36

Кривични за 14 навивачи на Будуќност и Шкендија

При тепачката на ови две навивачки групи, едно лице било прободено со остар предмет, едно е со расченици на главата, а двесетина побарале медицинска помош во гостиварската и кичевската болница.

Кривични за 14 навивачи на Будуќност и Шкендија

Кривични за 14 навивачи на Будуќност и Шкендија

Поврзани вести

СВР Тетово поднесе кривична пријава за 14 лица учесници во вчерашната тепачка која се случи покрај магистралниот пат Гостивар-Кичево, во непосредна близина на Сретковскиот мост, помеѓу навивачите на Фудбалскиот клуб „Шкендија“ од Тетово и на Ракометниот клуб „Будуќност“ од Црна Гора.

Портпаролот на СВР Тетово, Марјан Јосифоски, информираше кривичната пријава  за „учество во тепачка“, која ќе биде поднесена во текот на денов, опфаќа 11 лица навивачи од Црна Гора и 3 лица од нашата држава, навивачи на „Шкендија“ од Тетово.

– Четиринаесетте осомничени се приведени и во консултација и координација со јавен обвинител задржани се во СВР Тетово, по што со соодветна пријава денеска ќе бидат изведени пред судија во претходна постапка на Основниот суд Гостивар, појасни Јосифоски.

Тој нагласи дека СВР Тетово, продолжува со активностите за идентификување и на други учесници во тепачката против кои, исто така, ќе следуваат поднесоци, како и на расветлување на сите поединости, кој се бил инволвиран и зошто се случила тепачката на тоа место.

Вчера попладне во близина на преминот Стража, потсети Јосифоски, дошло до „блиска средба“ на две групи навивачи која прераснала во тепачка. Едно лице било прободено со остар предмет, едно со расченици на главата, а други двесетина побарале медицинска помош во гостиварската и кичевската болница.

Најчитани вести