вторник, 25 јули 2017  |  Вести денес: 45

Бан Ки-мун: Запирање на протокот на мигранти е спротивно на меѓународното право

Тој повика сите страни да ги почитуваат своите ветувања и доброволно да дозволат испорака на животноважната хуманитарна помош за опколените области

Бан Ки-мун: Запирање на протокот на мигранти е спротивно на меѓународното право

Бан Ки-мун: Запирање на протокот на мигранти е спротивно на меѓународното право

Последни вести

Ограничувањата на границите, воведени во Европа со цел запирање на протокот на мигранти, се спротивни на меѓународното право и на општочовечката пристојност, изјави генералниот секретар на ОН Бан Ки-мун.

За време на посетата во Мадрид, Бан изрази загриженост од ограничувањата на патот на мигрантите и рече дека секој кандидат за азил има право на индивидуално разгледување на неговото барање за азил.

Оваа изјава на Бан доаѓа откако грчката полиција рече дека 10.000 бегалци, од кои повеќето Сиријци и Ирачани се блокирани на граничниот премин Идомени со Македонија и оти се влошуваат тамошните услови. Неколку земји од т.н. балканска рута, пред се Австрија, воведоа ограничувања за бегалци во последните 10 дена и тоа предизвика метеж од мигранти на границата на Грција со Македонија и во самата Грција.

По повод прекинот на огнот во Сирија Бан Ки-мун изјави дека тоа се почитува, независно од поединечни инциденти, пренесе ТАСС.

Тој повика сите страни да ги почитуваат своите ветувања и доброволно да дозволат испорака на животноважната хуманитарна помош за опколените области. Според него, во 15 реонот на Сирија во блокада живеат речиси 500.000 луѓе.

– Многу од овие луѓе умираат од глад, поради тоа што не добиваат медицинска помош, изјави генералниот секретар.

Тој рече дека агенциите на ОН, заедно со партнерите, успеале да испорачаат во последните денови помош за 80.000 лица, а во наредните 5-6 дена ќе испорачуваат храна, лекови и производи од прва потреба за уште 140.000 луѓе во Сирија.

Најчитани вести