Свет

Обама за една година ги продолжи санкциите против Русија

Обама за една година ги продолжи санкциите против Русија

Претседателот на САД, Барак Обама го продолжи важењето на санкциите против Русија за една година, поради „нејзините акивности и политика кон Украина“.

„Активностите и политиката, за кои станува збор во моите укази, продолжуваат да претставуваат невообичаена и исклучителна закана за националната безбедност и надворешна политика на САД“, се посочува во еден од документите. „Затоа јас за една година ги продолжувам санкциите, прогласени со указот 13.660“.

Самиот Указ беше објавен на 6 март 2014 година, потсетуваат американските медиуми.

Во одделно известување до Конгресот се посочува: „Активностите и политиката на лицата ги поткопуваат демократските процеси и институции во Украина, и се закануваат на нејзиниот мир, безбедност, стабилност, суверенитет и територијална целост, и исто така содејствуваат во разграбувањето на нејзните активи“.

„Активностите и политиката на Владата на Руската Федерација“, според Обама, „продолжуваат да претставуваат невообичаена и исклучителна закана за националната безбедност и надворешна политика на САД“.

Американските санкции против Русија засегаат серија руски граѓани, вклучително и официјални лица, како и претставници на Владата на поранешниот украински претседател Виктор Јанукович. Освен тоа, санкциите опфаќаат и серија големи фирми во Русија, неколку компании и раководствата на самопрогласените „Доњецка Народна Република“ и „Луганска Народна Република“.