Свет

Турција се согласила за враќање на економски мигранти

Турција се согласила за враќање на економски мигранти

Турција се согласила да прифати враќање на економски мигранти, изјавиле извори од ЕУ за грчката државна новинска агенција АНА-МПА.

Одлуката ќе биде вклучена во изјавата на самитот на ЕУ во понеделник во Брисел, рекле изворите и додале дека Турција нема да прифати враќање на бегалци од воените зони.

Претходно, и „Фајненшл тајмс“ јави дека Европската унија е близу до договор со Анкара, што ќе предвидува враќање на сите несириски мигранти од грчките острови назад во Турција.