сабота, 27 мај 2017  |  Вести денес: 0

Спасовски бега од одговорност и спинува дека протестот бил против полицијата

Револтот на граѓаните насочен кон него заради недавањето наредба да се штити правната држава, Спасовски сакаше да го спинува како револт насочен кон полицијата и дека на таков начин се понижувале полициските службеници.

spasovski

Поврзани вести

Техничкиот министер за внатрешни работи Оливер Спасовски  денеска одбегна директно да одговори зошто дозволи хулигани да палат и да уриваат во Бутел, туку се обиде со манипулации да ја избегне одговорноста за беззаконието кое самиот го дозволи.

-После една ваква разврска, нема место да се протестира пред Министерството за внатрешни работи. Затоа што на таков начин се понижуваат полициските службеници коишто најпрофесионално си ја извршија својата задача во овие тешки моменти за Република Македонија и општина Бутел, рече Спасовски одговарајќи на новинарско прашање при посетата на Идризово.

Револтот на граѓаните насочен кон него заради недавањето наредба да се штити правната држава, Спасовски сакаше да го спинува како револт насочен кон полицијата и дека на таков начин се понижувале полициските службеници.

oliver_kumanovo3

 

Но, манипуалциите на Оливер Спасовски не минуваат кај граѓаните. На денешниот протест предводен од Светскиот македонски конгрес (СМК) немаше ниту една порака против професионалците во МВР, туку напротив, граѓаните бараа одговорност лично од него.

-СМК го осудува однесувањето на Спасовски, кој на 3-ти март не издаде наредба за заштита и им овозможи на протестантите од Чаир вандалски да го запоседнат градилиштетото на крстот во Бутел.  СМК го прашува министерот Спасовски, дали овие постапки се дел од сценариото на неговиот помошник Едмонд Адеми, дека треба да се лее клрв по улиците во Македонија. Дојдовме овде за да побараме Спасовски да си ја изврши работата, наместо граѓаните да ја земат правдата во свои раце, како што тоа го прави градоначалникот на Чаир, секојдневно и насекаде, кршејќи го Уставот и законите. Чаир не смее да стане гето во Центарот на Скопје. Уставот и законите морат да важат за сите и на секое место, рече пред граѓаните претседателот на СМК, Тодор Петров.

“Оливер остави професионалци да си ја вршат работата”, “Оливер зошто земаш плата” , „Верата, јазикот, културата се столбовите на македонштината“, „Оливер, за колку го продаде македоснкиот анрод“, пишуваше на дел од транспарентите кои ги носеа граѓаните.

Најчитани вести