недела, 26 март 2017  |  Вести денес: 0

На „Ало докторе“ 1.113 повици за една недела

alo-doktore

Поврзани вести

На телефонската линија „Ало докторе“ (02/15 123) во изминатата недела се регистрирани 1.113 повици.

Медицински совет од отворањето на линијата на 15 септември 2014 година досега добиле 80.478 лица.

Линијата е достапна секој ден 24 часа со цел да се овозможи непосредна медицинска консултација во моментот на појава на различни симптоми на нарушување на здравјето. За медицински совет се достапни 25 доктори.

Од Здравствен дом Скопје информираат дека повиците се од граѓани од сите градови на Македонија. Јавувањата  се  за широк спектар на најразлична симптоматологија, најчесто  за  покачен крвен притисок, главоболки, сезонски настинки, симптомна болка, покачена телесна температура  и совети поврзани со хронични болести.

На сите лица кои  побараале медицински совет  на телефонската линија  „Ало докторе“  им е дадена   здравствена  помош  со  совет и соодветна симптоматска терапија, се вели во соопштението.

Најчитани вести