понеделник, 24 јули 2017  |  Вести денес: 50

Над 51.000 заразени со вирусот Зика во Колумбија

zika-virus

Последни вести

Над 51. 000 заразени од вирусот Зика регистрирани во Колумбија.

Од нив 9.511 се бремени жени, што значи дека само за една недела има околу 3.700 нови случаи.

Од 28 февруари до 5 март Националниот институт за здравствена заштита регистрирал 3.702 нови случаи на Зика, а 2.259 биле од овој период, додека 1.443 од претходните недели, но тогаш тие не биле соопштени. Со тоа, вкупниот број на заразени достигна 51. 473 лица.

Вирусот Зика се пренесува преку убод од тигрест комарец и предизвикува лесни симптоми на грип, но, исто така, се смета дека нанесува оштетувања врз мозокот на бебињата, врз рбетниот мозок, го предизвикува заболувањето познато како синдром на Гилен-Баре, тешки невролошки пробеми и го оштетува нервниот систем, предупредуваат научниците.

По Бразил, на почетокот на март во Колумбија беше регистриран првиот случај на микроцефалија (малформација кај новородечиња, кои се раѓаат со помала глава), поврзан со вирусот Зика,соопшти британското научно списание „Нејчр“.

Од 15 декември минатата година до 5 март 2016 година колумбискиот Институт за здравствена заштита регистрирал 327 случаи на невролошките синдроми (Гилен-Баре и различните полиневропатии) со навестувачки состојби слични на заразата со вирусот Зика.

Институтот, исто така, информира за  77 смртни случаи, кои може да се поврзани со болеста денга, која се шири од овој комарец и која од почетокот на годината до сега заразила 26. 691 лица во Колумбија.

Во Бразил, најзафатената држава, веќе се регистрирани над 1,5 милион случаи на Зика.

Светската здравствена организација (СЗО) предупреди дека вирусот се шири низ цела Америка, со исклучок на Канада и Чиле.

Најчитани вести