ВМРО-ДПМНЕ веднаш по доаѓањето на власт ја стави гасификацијата како приоритет и веднаш почна да преговара со Руската Федерација за реализација на клириншкиот долг преку изградба на гасовод.
Бидејќи СДСМ не презеде никакви чекори ниту за изработка на основни проекти, ниту пак физибилити студија за гасовод, ВМРО ДПМНЕ со самото доаѓање, уште во 2007 година почна да изработува енергетска стратегија за развој на Македонија и таму е точно предвидена гасификацијата. Врз основа на таа студија е изработена физибилити студија 2010 година и од 2011 е почнато со проектирање на гасоводните правци до 2013. Во 2014 склучен е договор со Руската Федерација за реализиција на клириншкиот долг преку изградба на гасовод од Клечовце до Штип. Од 2015 година започна и изградбата на делницата Клечовце – Штип, а оваа година започнуваат со градба уште три делници во вкупна должина од 204 км, Штип – Неготино, Неготино – Битола, Скопје – Тетово Гостивар.
Во однос на цената СДСМ директно манипулира, бидејќи не кажува дека гасоводот од Клечовце до Штип го гради Руската федерација по европски цени, со увезени материјали за кои се плаќа царина, данок и сите други давачки во Република Македонија кои директно влегуваат во буџетот.
Колку за споредба треба да се каже дека ист ваков гасовод како што е кај нас гасоводот од Клечовце до Штип се движи од 700 илјади евра до милион и сто илјади од километар.
Додека гасоводната траса од Штип – Неготино се гради со наши материјали, со наша опрема и не е вклучена царина, данок и сите други давачки.
Со оглед на динамиката и условите кои беа предложени при преговорите со Руската Федерација, тврдиме дека цената на гасоводната делница финансирана со отпис на клириншкиот долг е најоптимален и успешен проект на Владата на Република Македонија.