четврток, 25 мај 2017  |  Вести денес: 37

Исламистичките келии во Брисел подготвувале радиоактивен напад

Двајцата бомбаши самоубијци, браќата Брахим и Калид ел Бакрауи, подготвувале изградба на радиоактивна „валкана“ бомба која би се употребила во еден од следните напади.

Исламистичките келии во Брисел подготвувале радиоактивен напад

Исламистичките келии во Брисел подготвувале радиоактивен напад

Поврзани вести

Исламистичките келии кои дејствуваат во Белгија, подготвувале заговор за да се изврши радиоактивен терористички напад, пишуваат лондонските медиуми, повикувајќи се на извори во белгиските тајни служби, објави МИА.

Според овие извори, се сомнева дека двајцата бомбаши самоубијци, браќата Брахим и Калид ел Бакрауи, подготвувале изградба на радиоактивна „валкана“ бомба која би се употребила во еден од следните напади.

Според сознанијата на медиумите во Лондон, 11 вработени во двете белгиски нуклеарни централи останале без своите службени картички за идентификација, додека еден од главните технолози на една од нуклеарните централи, пред крајот на минатата година, бил тајно надгледуван и сниман од џихадистите.

Информациите за намерата на белгиските џихадисти да направат „валкана“ бомба, доаѓа заедно со откритието во Брисел дека е убиен еден од чуварите на белгиска „нуклеарка“ и му е одземена картичката за идентификација.

Лондонски „Тајмс“ пишува дека 140 белгиски војници се распоредени како дополнително обезбедување на двете нуклеарни централи во земјата, но и за еден нуклеарен истражувачки центар, како и за компанијата за производство на изотопи за нуклеарни потреби.

Весникот пишува и за засилените безбедносни мерки за британските „нуклеарки“ како и за сите други распоредени низ ЕУ.

Британски безбедносни експерти уште од порано предупредуваа на заканата, терористите да се опремат со радиоактивни бомби, или со оружје за масовно уништување, произведено во „домашни“ услови, за да се употреби во некои терористички напад.

Најчитани вести