среда, 29 март 2017  |  Вести денес: 52

ВМРО-ДПМНЕ: Единствените промени кои ќе ги види СДСМ по изборите се во нивната партија

СДСМ ако се грижеше навистина за учениците немаше да биде против подобрувањето на квалитетот на нивното образование. Но, СДСМ се грижи само за своите лаги и измислици обидувајќи се вака да собере од трошките од политичките поени. Толку е капацитетот на СДСМ.

vmro-dpmne

Поврзани вести

СДСМ продолжува со караванот на лаги и манипулации. Ги посетува сите места кои заборави дека постојат кога имаше власт и безочно ги лаже граѓаните. Лага до лага е единствената политичка платформа на СДСМ. Синоќа СДСМ имаше час по лажење во Македонски Брод, реагираат од ВМРО-ДПМНЕ на изјавата на Петар Атанасов.

Ви го пренеуваме соопштението во целост:

СДСМ, партијата која избрка 200.000 луѓе на улица и која лажеше дека ќе вработи по минимум еден член од секое семејство, зборува за сиромаштија и невработеност. Врв на лицемерието. СДСМ, партијата која една шахта не промени на улиците низ цела Македонија зборува за вложувања во инфраструктурата. Апсурдно и смешно.

Единствените промени кои ќе ги види СДСМ по изборите се во нивната партија кога истрошените лажговци и криминалци од врвот на СДСМ ќе ја добијат шут-картата за надвор од политиката.

Претседателот на комисијата за образование на СДСМ Петар Атанасов може да вети и дека сите ученици ќе имаат петки кога ќе дојде СДСМ на власт, може да лаже колку што сака – лажењето и манипулациите се потписот на СДСМ, но и тој многу добро знае дека неговата партија нема теорија да се доближи до власта.

Сите ученици знаат дека оваа Влада работи посветено на подобрување на квалитетот на образовниот процес и презема многу проекти и реформи во таа насока.

Сите ученици исто така добро знаат дека СДСМ злоупотребува деца во политички контекст, ги тера на протести за после да ги манипулира дека е на нивна страна обидувајќи се да им ја купи довербата со лажење и манипулирање.

СДСМ ако се грижеше навистина за учениците немаше да биде против подобрувањето на квалитетот на нивното образование. Но, СДСМ се грижи само за своите лаги и измислици обидувајќи се вака да собере од трошките од политичките поени. Толку е капацитетот на СДСМ.

Затоа СДСМ е 10 години во опозиција и затоа нема да мрдне од таму ни после 5-ти јуни.

 

 

Најчитани вести