среда, 30 ноември 2016  |  Вести денес: 0

Фатен единствениот преживеан терорист од нападите во Брисел

30-годишниот новинар Фејсал Шефуа е единствениот преживеан терорист во нападите на аеродромот Завентем.

Фатен единствениот преживеан терорист од нападите во Брисел

Фатен единствениот преживеан терорист од нападите во Брисел

Поврзани вести

Белгиските власти уапсија новинар за кого се верува дека е единствениот преживеан напаѓач во нападите во Брисел.

Во меѓувреме, во Белгија растат и стравувањата дека терористите можеби имаат пристап во една од нуклераните централи, близу Брисел.

Белгиската полиција го склопи мозаикот. 30-годишниот новинар Фејсал Шефуа е единствениот преживеан терорист во нападите на аеродромот Завентем.

Фејсал Шефуа e терористот на фотографијата со шапка, а бил идентификуван од таксистот што ја превезувал групат до аеродромот.

Фејсал Шефуа e терористот на фотографијата со шапка, а бил идентификуван од таксистот што ја превезувал групат до аеродромот.

По четири дена од нападите, властите го уапсија мистериозниот маж со црна шапка и бело одело, еден од тројцата напаѓачи кои беа регистрирани на безбедносните камери на аеродромот. Властите се уште не ја потврдуваат информацијата, иако сите белгиски медиуми нашироко пишуваат за независниот новинар, познат по објавувањето видео снимки на интернет. Последен пат вниманието го привлекол пред две години, кога известувал од пред прифатен центар за нелегални мигранти, кога го осудил односот на властите дека не го почитувале рамазанскиот пост на мигрантите.

-Овде се случува кршење на човековите права. Во месецот на рамазанските пости на повеќе од 100 Муслимани им се нуди оброк пред прекинот на постот, изјавува Шефуа на снимката во 2014-та.

Тој бил идентификуван од таксистот, кој кобниот вторник ги превезувал тројцата терористи на аеродромот.

Шефуа бил апсен неколкупати за обид за врбување баратели на азил во исламистичките структури.

Обвинителство соопшти дека е уапсен уште еден осомничен со име Абубакир Хад. Во меѓувреме, Белгија ја крена на нозе информацијата дека можеби терористите имаат пристап до една од најголемите нуклеарни централи во земјата.

Веста следи откако член на обезбедувањето на нуклеарката Тианж, близу Шарлоа беше убиен пред два дена, но стравувањата пораснаа по информацијата дека неговата идентификациска картичка, со која се овозможува пристап до постројките е украдена. Обвинителството отфрли каква било можност смртта на вработениот да е поврзана со тероризам, иако признава дека нуклеарните постројки биле потенцијална мета на групата.

Белгиските власти денеска соопштија дека бриселскиот аеродром Завентем, кој беше мета на нападите ќе остане затворен најмалку до вторник.

Најчитани вести