Според телевизијата Мега, под лупата на грчката полиција се нашле невладини организации и волонтери кои шират информација дека денеска ќе се отворела границата, а не се исклучува можноста тие повторно да ги организираат бегалците и мигрантите нелегално да влезат во Македонија, објави Канал 5.
„Информирани се Скопје и Софија, бидејќи постојат индикации дека некои подготвувале мапи од регионот и не е исклучена можноста да сакаат повторно да поделат мапи и да им дадат лажни надежи на овие луѓе за патување во Европа.“ – објави синоќа грчката телевизија, според која грчките власти знаат дека од Франција, Италија и Германија пристигнале членови на анархистички организации а се претставуваат како волонтери. На Идомени, според Мега ТВ, регистрирани се 15 невладини организации, од кои 4 се под знак прашалник.
Лажни надежи и дезинформации и денеска шират, за сега непознати лица во импровизираниот камп на Идомени дека границата ќе се отвори, па така мигрантите и бегалците се собираат на железничката линија и чекаат. Грчката полиција пак со мегафони на арапски се обидува да ја смири ситуацијата, објаснувајќи им на бегалците и мигрантите дека границата нема да се отвори, а постои опасност по нивните животи доколку се обидат нелегално да ја поминат.
Доколку преземете содржина од оваа страница, во целост сте се согласиле со нејзините Услови за користење.