вторник, 25 јули 2017  |  Вести денес: 53

СЈО без замерки за предметот во кој беше осуден Бошковски, дилема им се наводните пцовки

katica-janeva-sjo

Последни вести

Катица Јанева и Фатиме Фетаи денес не можеа да најдат ниту еден аргумент во одбрана на Љубе Бошковски дека тој не се договарал за промена на името со цел на нелегален начин да му биде финансирана политичката кампања. Со ова практично се потврдува дека Бошковски преку пазар за името незаконски ја финансирал кампањата, а дека единствената дилема во овој случај која ја има Специјалното јавно обвинителство е дали кон Бошковски биле упатувани пцовки за време на приведувањето.

Двете обвинителки на денешната прес-конференција која ја одржа Специјалното јавно обвинителство немаа никаква замерка во однос на предметот кој се водеше и за кој Бошковски беше осуден. Напротив и според обвинителките Бошковски е виновен за делото за кое беше пријавен, пишува Курир.

Во медиумите се појавија и видео снимки на кои јасно се гледа како Бошковски договара промена на името  за што добива финансиски средства наменети за финансирање на политичката кампања.

Посредникот : Само да знаеш грчката влада е воодушевена од тебе,
Љубе:  Да.
Посредникот: Се е до сега како што треба, само молимте Љубе после тоа сакам и ти да придонесеш стварно да го решиме проблемот со името. Преку глава ни е.
Љубе: Јас сега им викам, го тепам Никола Груевски, му викам кого праша ти за Република Македонија Скопје…
Охриѓаните ги праша битолчаните, знаеш се навраќам на патриотска карта, за да ги добијам неговите гласови,тој игра на лажна карта… Знаеш ќе им кажеш ти на твоите јас сега ќе глумам малце лудило,
Зошто Љупчо најотворено се лигави, Љупчо она што го прави тоа не е добро ни за Грција.
Јас мислам вака-вика мора да се смени името Северна Македонија, оптимално решение и јас не го коментирам Љупчо.
Јас ќе играм сега на патриотската, и после АЈЈ ќе го решиме во два дена со тебе заедно!
Посредникот: Мислам северна е перфектно име, нема тука, тоа е еден географски поим што го дава самото име. Љубе: Така де, така е Посредникот: Да бидам искрен ништо не се губи.

По ова, единствената одбрана која во политичката нарачка денес обвинителките од СЈО успеаја да ја најдат е дека наводно кон Бошковски за време на приведувањето биле употребувани пцовки.

Инаку, според информации од Министерството за внатрешни работи објавени на 7.6.2011 година Бошкоски беше осомничен дека пречекорувајќи ги своите законски овластувања, како претседател на политичката партија Обединети за Македонија, во периодот од април-јуни 2011 во три наврати противправно прибавил парични средства во износ од 130.000 евра заради финансирање на политичка кампања на партијата.

-Од преземените мерки и активности утврдено е дека пријавениот во три наврати и тоа во месец април (10.000 евра), мај (20.000 евра) и на 6.6.2011 (100.000 евра) во Скопје остварил средби на кои ги примил горенаведените парични средтсва за финансирање на активностите и афирмацијата на политичката партија „Обединети за Македонија“. Љ.Б. гипримил паричните средства спротивно на одредбите од Изборниот законик, иако знаел дека примањето на парите не е во согласност со Законот за финансирање на политичките партии и Изборниот законик, информираше МВР за акцијата „Кампања“.

Најчитани вести