четврток, 23 март 2017  |  Вести денес: 55

Надежда Савченко започна штрајк со глад

На 22 март Савченко беше осудена во Русија на 22 години затвор и казна од 30.000 рубљи.

133069294

Последни вести

Поранешниот украински воен пилот Надежда Савченко, која е осудена во Русија за убиство на двајца новинари, за обид за убиство на трето лице и за незаконско преминување на руската граница, денеска започна штрајк со глад, со барање за итно враќање во Украина, соопшти нејзиниот адвокат Марк Фејгин.

Таа изјави дека не е виновна и дека не ја признава пресудата, но нема да поднесе жалба.

Савченко моментно се наоѓа во истражен затвор во рускиот град Новочеркаск и се уште нема информации во кој казнено поправен дом ќе биде испратена.

Според законот, тоа треба да се случи најдоцна за 10 дена, откако раководството во истражниот затвор ќе добие известување дека пресудата стапува во сила.

Според адвокатите на Савченко, украинските власти прават напори осудената да биде испратена во својата земја, каде ќе ја отслужи казната.

Најчитани вести