недела, 28 мај 2017  |  Вести денес: 27

Велосипедски полигон за деца во паркот Македонија

velosipedd

Последни вести

Град Скопје во соработка со Стопанска банка ја почна изградбата на  урбаниот велосипедски полигон за деца во првиот дел на Парк Македонија.

Идејниот проект за урбаниот велосипедски полигон за деца е од едукативен карактер, односно децата да ги научат сообраќајните знаци и сообраќајните  правила.

Велосипедскиот полигон  за деца е со површина од 660 кавадратни метри, со должина на патека од 270 метри и урбана опрема: бампери, рампа, паркиралиште за велосипеди, нишалки, лизгалки, дрвена куќарка, површини исополнети со песок, клупи за седење, пикник маси и корпи за отпадоци.

Велосипедската патека за деца, којашто ќе биде со  должина од 270 метри ќе биде широка 120 сантиметри, којашто од двете страни ќе има тротоар од по 50 сантиметри за нивните учители, помагатели.

Подлогите за возење на патеката ќе бидат од три различни типови, односно најдолгиот потег е од лиена гума, на бетонска подлога во широчина 120 сантиметри , со калдрма од двете страни по 50 сантиметри, коишто симболизираат тротоари, вториот потег е калдрма, а третиот потег е од дрво, односно  дрвено мовче.

велоспиед

Со ваквата комбинација на матријали за подлога ќе се подготват идните велосипедисти за возење на различен терен.

Во тревните површини околу паркингот за велосипеди и зоната со нишалки ќе се постават 12 клупи за седење, 4 сетови од пикник маси и клупи за седење и корпи за отпадоци.

Во изградбата на овој едукативен полигон ќе се користат еколошки материјали.

Најчитани вести