сабота, 26 ноември 2016  |  Вести денес: 12

Македонска икона поставена во црквата во Назарет

икона

Последни вести

Во базиликата на Свето Благовештение во Назарет во Израел од денеска се наоѓа икона со ликот на Пресвета Богородица, како спомен-обележје од Република Македонија.

Како што информира Министерството за култура, иконата ја постави македонската делегација предводена од заменик-министерот за култура Драган Недељковиќ и амбасадорот на Македонија во Државата Израел, Пајо Авировиќ.

Иконата, во форма на мозаик е поставена во просторот каде се наоѓаат спомен-обележја од речиси сите држави во светот, православни и католички.

На иконата е претставена реплика од познатата икона од манастирот во Зрзе, „Св.Богородица пелагониста“.

Иницијативата за поставувањето на ова спомен-обележје е на Туристичката комора на Македонија, а за поставувањето на иконата мозаик, согласност и благослов даде и Македонската православна црква, преку Архиепископот охридски и македонски, г.г. Стефан.

Македонската делегација утре во најголемиот музеј на холокаустот ќе положи цвеќе во спомен на жртвите од холокаустот.

Најчитани вести