40 години Кинотека на Македонија

40 години Кинотека на Македонија
40 години Кинотека на Македонија

Свечено одбележување на јубилејот „40 години Кинотека на Македонија“ ќе се одржи во просториите на Кинотеката, на 27. април (среда), со почеток во 12 часот.

На 29-ти април 1974 година е објавен Законот за формирање на Кинотеката на Македонија, токму затоа секоја година, април е месец на Кинотеката или најточно речено празник кога уште еднаш, достојно се прославува филмската уметност, националното аудиовизуелно наследство и луѓето заслужни за неговото создавање и чување.

Имајќи предвид дека една од основните дејности на Кинотеката е чувањето на аудиовизуелното наследство, а секако и паметењето на низата исклучителни македонски режисери, сценаристи, директори на фотографија, монтажери, тонци и актери – секоја година – традиционално ја доделуваме наградата „Златен објектив“ – Награда за исклучителен придонес во македонската кинематографија.

Оваа јубилејна 40-та година ќе биде одбележена со свечена академија по повод 40-годишнината од постоењето на Кинотека на Макдеонија и доделување на наградата „Златен објектив“ на македонски автор со особен придонес кон македонската кинематографија.

Публиката ќе може да ги погледне реставрираните филмови „Хај-Фај“ на Владимир Блажевски, „Жед“ на Димитрие Османли и „Татко (Колнати сме, Ирина)“ на Коле Ангеловски.

Доколку преземете содржина од оваа страница, во целост сте се согласиле со нејзините Услови за користење.