Ако Клинтон ги добие изборите половина од министрите од администрацијата ќе бидат жени

Демократскиот предентент за номинацијата за Демократската партија за претседател на САД, Хилари Клинтон изјави дека доколку биде избрана половината од министрите на кабинетот ќе бидат жени.

Во дискусијата во студиото на телевизијата Ем-Ес-Ен-Би-Си, синоќа водителката ја праша Клинтон дали ќе го повтори ветувањето, дадено и исполнето од канадскиот премиер Џастин Трудо – да постави жени на половина од функциите од администрацијата.

Клинтон изјави дека планира да состави „кабинет кој и прилега на Америка, а жените претставуваат 50 проценти од Америка“, пренесува МИА.

Дискусијата на поранешниот државен секретар во голем дел беше посветена на заштитата на правата на жените.

– Многу девојчиња во тинејџерската возраст се подложени на силен притисок од страна на медумите. Им се наметнува дека не се доволно привлечни или не се доволно добри. Тоа треба да престане, изјави Клинтон.

Таа исто така, се заложи мажите и жените во САД да имаат еднакви можности.

Во актуелната администрација на Барак Обама само четири од 15 -те министри се жени.

Доколку преземете содржина од оваа страница, во целост сте се согласиле со нејзините Услови за користење.