недела, 26 март 2017  |  Вести денес: 23

Новинарот Арсиќ сведочеше за „Фабриката за афери“, но не го откри идентитетот на пријавувачот

Изворот, кој новинарот не го обелодени до крајот на својот исказ поради заштита на новинарската етика и професија, му рекол дека постојат триесетина илјади вакви лични карти и дека нивната намена била да се искористат за избори.

Новинарот Арсиќ сведочеше за „Фабриката за афери“, но не го откри идентитетот на пријавувачот

Новинарот Арсиќ сведочеше за „Фабриката за афери“, но не го откри идентитетот на пријавувачот

Поврзани вести

Изворот, кој новинарот не го обелодени до крајот на својот исказ поради заштита на новинарската етика и професија, му рекол дека постојат триесетина илјади вакви лични карти и дека нивната намена била да се искористат за избори, пишува Академик.мк.

Новинарот од „Фокус“ Љубиша Арсиќ, кој преку новинарски текстови ја обелодени аферата со фалсификуваните лични карти, денеска во судот сведочеше како сведок на Обвинителството во случајот „Фабрика за афери“.

Арсиќ посочи дека непознато лице му ги предало 105-те лични карти.

„Тој ми кажа дека личните карти се изработувале на две локации, дека полицијата знаела за тоа и дека тие немаат метална фолија, што мене не ми беше познато што значи тоа“, рече Арсиќ пред судот.

Изворот, кој новинарот не го обелодени до крајот на својот исказ поради заштита на новинарската етика и професија, му рекол дека постојат триесетина илјади вакви лични карти и дека нивната намена била да се искористат за избори.

„Тоа за мене беше доволна индиција да се позанимаваме со случајот. Личните карти ги пријавив во МВР, а два дена подоцна го објавив првиот текст. Имајќи предвид дека како медиуми контактираме со анонимни извори и претходно, нашата цел беше да не се занимаваме со тоа дали личните карти се фалсификувани. Тоа е работа на институциите. Нашата цел беше да го провериме поширокиот контекст, односно кои се лицата, дали тие постојат, дали податоците се нивни и дали овие лични карти биле употребени на избори, што беше целта на нашето истражување“, појасни Арсиќ.

Тој потенцираше дека и понатаму е сè уште непознато, за него, за медиумот „Фокус“ и за јавноста, кој ги изработувал личните карти, дали е по нечија нарачка, за која намена и зошто биле избрани тие како медиум да го објават случајот.

На прашањето на обвинителката, Наташа Гоџовска, дали при примопредавањето биле сами или имало и други лица со нив, Арсиќ одговори дека тој не знае дали имало и други лица, тој бил сам, а изворот кој му ги предал личните карти изгледал вознемирено, му нагласил да не го користи неговиот идентитет и дека постојат и други лица кои се запознаени со случајот, но чекале погоден момент да го соопштат тоа.

Арсиќ додаде дека, според него, изворот не изгледал многу упатено во целата работа и сакал побрзо да си замине без да му одговори за сите дилеми кои тој, како новинар, сакал да му бидат разјаснети. Случајот со личните карти Арсиќ го пријавил во МВР, каде што разговарал со директорот на Бирото за јавна безбедност кој веднаш повикал лица кои отвориле случај и составиле записник.

„Во МВР поминав повеќе од два часа, ме испрашуваа, но и детално ги внесувале податоците од личните карти кои ги пријавив“, рече Арсиќ.

На крајот, и покрај прашањето на обвинителката дали сега знае кој е изворот, Арсиќ одговори:

„Затоа што не сакам граѓаните идни пријавувачи на кривични дела да бидат загрозени и да се одвраќаат од намерата за пријавување и имајќи предвид дека граѓаните и онака ги користат медиумите наместо институциите за да пријавуваат вакви случаи, не сакам да оставам простор ниту за политичко спинување на случајот. Мојата морална и етичката одговорност ме обврзуваат да не ги изневерам колегите и професијата и затоа нема да кажам кој е изворот“, заврши Арсиќ.

 

Најчитани вести