вторник, 30 мај 2017  |  Вести денес: 3

ЕК: Нема услови за кредибилни избори на 5 јуни

Во моментов три од четирите најголеми политички партии не се регистрирани за учество и поради ова ние во овој момент веруваме дека нема минимум услови за да се одржат кредибилни избори, посочи Коцијанцич.

ЕК: Нема услови за кредибилни избори на 5 јуни

ЕК: Нема услови за кредибилни избори на 5 јуни

Поврзани вести

Многу добро знаете дека една од целите на договорот од Пржино е да се обезбедат кредибилни избори во државата и меѓународната заедница е подготвена да работи и да и помогне на земјата во сето ова. Но, во моментов три од четирите најголеми политички партии не се регистрирани за учество и поради ова ние во овој момент веруваме дека нема минимум услови за да се одржат кредибилни избори.
Ова е ставот и образложението на Европската комисија што го пренесе портпаролката Маја Коцијанчич за тоа зошто според нив не треба да се одржат претстојните предвремени парламентарни избори закажани за 5 јуни во Република Македонија, јави дописникот на МИА од Брисел.
Гласноговорничката на Еврокомисијата посочи дека Брисел „постојано повторува дека продолжената политичка криза во земјата ја движи Македонија подалеку од евро-атлантските асирации“.
– Ние видовме дека неколку партии не поднесоа листа на кандидати до Државната изборна комисија (ДИК) до крајниот рок и со ова не гледаме дека има минимум услови за кредибилни избори на 5 јуни што ќе бидат признаени од меѓународната заедница, децидна е Коцијанчич.
Во име на неформалната Влада на Европската унија, портпаролката на еврокомесарот Јоханес Хан посоочи дека во минатото, Комисијата постојано ја наведувала потребата да се прочисти избирачката листа, да се осигура балансирано медиумско покривање и да се истржат заканите кон гласачите, што според неа не е сторено.
Токму затоа, според Коцијанчиќ, ЕК верува дека под постојаните услови, секоја Влада што ќе произлезе како резултат на избори што би се одржале без учество на трите главни политички партнери на Унијата нема да биде кредибилен партнер на меѓународната заедница.
– Затоа ги повикуваме политичките лидери да превземат одлучувачки чекори за решавање на состојбата со целосно почитување на договорот од Пржино. Итно е и политичките лидери во земјата да се посветат на решавањето на проблемот со владеењето на правото без одложување. Ова, исто така ја вклучува и потребата да се повлечат неодамнешите аболиции на претседателот, бидејќи е многу едноставно дека правдата мора да надвладее и да се види да надвладее, како начин да се врати довербата на граѓаните во земјата и институциите, што е неопходно и ќе помогне да се завршат сегашните тензии и да се зачува владеењето на правото во земјата, порача Маја Коцијанчиќ.
Гласноговорничката на Хан додадека дека „Еврокомисијата останува посветена и достапна да им помогне на партиите во Македонија“, но дека „прво одговорноста е на самите партиите и тие се одговорни да обезбедат демократски прогрес и се одговорни да ја вратат земјата на евро-атлантскиот пат“.
За тоа каква би била соработката на ЕУ со идната македонска Влада што би призлегла од за Брисел „некредибилни“ избори на 5 јуни во однос на најавеното влошување на состојбата со мигрантската криза, како и во однос на финансиско-логистичката помош од ЕУ за Македонија, Коцијанчич со одговор:
 Знаете како е со тие „што ако“ прашања. Јас ќе го повторам само она што досега кажав дека ние бараме од политичките лидери во земјата и од релевантните власти да превземат одлучувачки чекори за решавање на сегашната ситуација со целосно почитување на договорот од Пржино. Јасно е дека нешто треба да се стори и ние веруваме дека ова треба да се направи и подготвени сме да помогнеме, но првата одговорност е кај политичките лидери на земјата, посочи Коцијанчиќ.
За тоа што точно сака ЕУ од Македонија во однос на изборите, со оглед на тоа што Државната изборна комисија (ДИК) го прочисти списокот, а со законот за медиуми е уредено известувањето во предизборна кампања, односно дали Брисел сака само промена на датумот за избори, гласноговорничката на неформалната Влада на ЕУ одби директно да одговори.
 Целта на договорот од Пржино е да се обезбедат кредибилни избори во земјата и дел од договорот е исто и некои чекори да се преземат пред да се случат изборите. Ова не се случи и во моментов, ситуацијата е дека не гледаме дека има услови за да се одржат кредибилни избори, заклучи Маја Коцијанчич.

Најчитани вести