сабота, 26 ноември 2016  |  Вести денес: 12

Димовски: Единствениот проблем кој Македонија го има е стравот на СДСМ за соочување со граѓаните

dimovski-denes-1

Последни вести

Пратеникот од редовите на ВМРО-ДПМНЕ, Илија Димовски на денешната 101 седница на Собранието истакна дека единстведниот проблем кој Македонија го има е катастрофално нискиот рејтинг на СДСМ и нивниот страв од соочување со граѓаните.

-Проблемот во оваа држава не е ниту Избирачкиот список, ниту така наречените фантомски гласачи, ниту неподготвеноста на државата за избори. Единствениот проблем кој што Република Македонија го има е катастрофално нискиот рејтинг на СДСМ и нивниот страв од соочување со граѓаните и давање на легитимитетот на граѓаните да одлучуваат како Македонија понатаму ќе се развива, вели Димовски.

-Би сакал да потенцирам дека одлуката на Уставниот суд на РМ не е во насока и во согласност со ставовите на пратеничката група на ВМРО-ДПМНЕ, но ние мораме да покажеме различен пример и ќе ја почитуваме таа одлука се со цел во следниот период да понудиме начин и излез од политичкиот хаос кој го предизвика СДСМ, потенцираше тој.

Наша обврска, додаде тој, е да не дозволиме РМ и понатаму да биде вовлекувана во виуги и виулици на политички пресметки, недоразбирања и хаос.

-Наша обврска е како Собрание да сториме се што е возможно да се вратиме на патеката на економски развој, отворање на работни места, отворање на нови фабрики, изградба на нови и големи инфраструктурни проекти, рече Димовски.

Најчитани вести